Тошкент шаҳридаги «Хўжа Аламбардор» жоме масжиди имом-хатиби Раҳимберди Раҳмонов Ўзбекистон мусулмонлари идорасининг Тошкент шаҳридаги вакили, шаҳар бош имоми ва Юнусобод тумани «Минор» жоме масжиди имом-хатиби вазифаларига тайинланди. Бу ҳақда Ўзбекистон мусулмонлари идораси матбуот хизмати хабар берди.
Тошкент шаҳри Юнусобод туманида жойлашган «Минор» жоме масжидидаги 4 январь кунги жума намозида Ўзбекистон мусулмонлари идораси раиси ўринбосари Иброҳим домла Иномов намозхонларга янги бош имом-хатибни таништирди.
Эслатиб ўтамиз, Тошкент шаҳрининг собиқ бош имом-хатиби Анвар қори Турсунов 2018 йил 13 июнь куни вафот этганди.
Изоҳ (0)