Ўзбекистонда кўчмас мулкни рўйхатга олиш ва у ҳақда маълумот олиш соддалаштирилди

Ўзбекистон ҳукумати Кўчмас мулк ҳуқуқларини давлат рўйхатидан ўтказиш тартиби тўғрисидаги янги таҳрирдаги низомни тасдиқлади. Бу ҳақда Norma’га таяниб, «Podrobno.uz» хабар бермоқда.

2018 йилнинг 1 октябридан кўчмас мулкка бўлган ҳуқуқни рўйхатга олиш тўғрисидаги гувоҳнома бекор қилинган эди. Рўйхатга олиш электрон шаклда амалга оширилади.

Янги таҳрирдаги низомда қуйидагилар акс этган:

Биринчидан, кўчмас мулк объектларига бўлган ҳуқуқни давлат рўйхатидан ўтказишнинг ягона қоидалари белгиланган;

иккинчидан, юридик ва жисмоний шахсларга Кўчмас мулк объектларига бўлган ҳуқуқлар давлат реестри маълумотларидан эркин фойдаланиш имконияти тақдим этилмоқда;

учинчидан, юридик ва жисмоний шахсларга кўчмас мулк объектларига бўлган ҳуқуқларини рўйхатдан ўтказиш учун қулай шарт-шароит яратиш учун масъул органлар ўртасида маълумотларни ахборот-коммуникацион алмашув жорий этилмоқда;

тўртинчидан, можароларни судгача ҳал этиш механизми жорий этилмоқда.