АПЛда Ҳарри Кейн гол урмаган жамоа қолмади

1 январь, сешанба куни футбол бўйича Англия премьер лигасининг 21-турида «Тоттенҳэм» ҳужумчиси Ҳарри Кейн «Кардифф» дарвозасини ишғол этди (3:0).

«Кардифф Сити» Ҳарри Кейн учун АПЛда гол киритган 28-клуб бўлди, деб ёзилади Opta’нинг Twitter’даги расмий саҳифасида.

Шундай қилиб, Кейн Англия чемпионатида ўзи қарши ўйнаган 28 та рақиб жамоа дарвозасига камида 1 тадан гол урди.

Эслатиб ўтамиз, Ҳарри Кейн ушбу мавсумда 21 та учрашувда майдонга тушиб, 14 та гол урди ва 5 та голли узатма берди.