Россия Федерацияси таркибидаги Мордовия Республикаси Олий суди Ўзбекистон фуқаросига нисбатан жиноий ишни кўриб чиқмоқда. У ўзининг ҳомиладор хотинининг қотиллигида айбланмоқда. Бу ҳақда суд матбуот хизматига таяниб, Sputnik хабар қилди.
Қўйилган айбловга кўра, 2018 йил 20 февраль куни Муҳаммаджон Чориев хотинининг қариндошлари уларнинг рўзғорига қарши эканликларини билганидан кейин ўзининг 26 яшар хотинини бўғиб ўлдирган. Хотинининг оиласи уларнинг ажрашишларини ва қизларини Ўзбекистонга қайтишини талаб қилишган.
Хотинининг 7 ойлик ҳомиласи бўлган. Қотиллик содир этгандан сўнг, Чориев ўз жонига қасд қилишга уринади. Лекин натижада воқеа жойидан қочиб кетади. Тергов жараёнида у ўз айбига тўлиқ иқрор бўлди.
Навбатдаги суд мажлиси 2019 йил 11 январь кунига белгиланган.
Изоҳ (0)