Тошкент шаҳрида туғилган уч эгизак Шавкат, Миромон ва Мирзиёнинг ота-онасига Президент совғаси – Cobalt автомашинаси совға қилинди. Бу ҳақда «Дарё» мухбири хабар беради.
Шунингдек, оилага Президент совғаси сифатида коляска ва турли совға саломлар етказилди.
Аввалроқ, 18 декабрда Тошкентда Руслан Қорёғдиев ва Моҳигул Шойиқуловалар оиласида уч эгизак ўғил фарзанд дунёга келгани ҳақида хабар берилган эди.
Чақалоқларнинг ота-онаси эгизакларга Президент Шавкат Миромонович Мирзиёев шарафига Шавкат, Миромон ва Мирзиё деб исм қўйди.
Маълумот учун, Ўзбекистонда уч эгизакка Президент шарафига исм бериш ҳолати тўртинчи бор қайд этилмоқда. Бундан аввал Бухоро, Қорақалпоғистон ва Хоразмда туғилган уч эгизакка ҳам Шавкат, Миромон ва Мирзиё исмлари қўйилганди.
Изоҳ (0)