Самарқанд вилояти Паяриқ туман халқ таълими бўлими ходими А.Х. «Ёшларни чақириққа тайёрлаш» фани ўқитувчиси вазифасига ишга ўтказиш эвазига 100 АҚШ доллари миқдорида пора олаётганда қўлга тушган. Бу ҳақида «Дарё» мухбири Фарҳод Норбўтаев хабар бермоқда.
Маълумотларга кўра, Паяриқ туман ХТБда методик хизмат кўрсатиш бўлими методисти вазифасида ишлаб келган А.Х. шу туманда истиқомад қилувчи Ш.Б.дан ишга жойлаштириб қўйиш эвазига 100 АҚШ доллари миқдорида пора сўраган.
Фуқаро Ш.Б. бу ҳақида Паяриқ туман ҳуқуқ-тартибод идораларига муълум қилгандан сўнг А.Х. 100 АҚШ долларини олаётган вақтда жиноят устида қўлга олинган.
Айни пайтда мазкур ҳолат юзасидан А.Х.га нисбатан Ўзбекистон Республикаси Жиноят Кодексининг 168-моддаси 1-қисми ва 211-моддаси 1-қисми билан жиноят иши очилиб, тергов ҳаракатлари олиб борилмоқда.
Изоҳ (0)