Франциянинг Марсель шаҳри полицияси футболчи Криштиану Роналду расми туширилган пакетга ўралган оғирлиги 517 грамм марихуана сотувчисини қўлга олди. Бу ҳақда «Sports.fr» хабар берди.
Бундан ташқари, полиция сотувчининг уйидан 50 грамм кокаин топган. Гумонланувчи ҳибсга олинган, унинг иши бўйича суд жараёни январда бўлиб ўтади.
Эслатиб ўтамиз, май ойида «Pusher» («Наркотик сотувчиси») ёзуви туширилган футболка кийган италиялик гиёҳванд моддалари сотувчиси ҳибсга олинган эди. Унинг ўзини тутиши ва автомобилидан таралаётган гашиш гиёҳвандлик моддаси ҳиди ҳуқуқ-тартибот ходимлари эътиборини тортади.
Текширув натижасида гумонланувчи машина юкхонасидан 19 та кичик пакетга ўралган жами 350 грамм марихуана ва 130 грамм гашиш гиёҳвандлик моддаси билан қўлга олинади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)