Америка олимлари федерацияси тадқиқотчиси Мэтт Корда Туркия ва Исроилнинг ҳарбий базаларига бағишланган материални эълон қилди. Тадқиқотчининг аниқлашича, агар Google Earth ва «Яндекс.Хариталар» хариталари солиштирилса, бўялган ҳудудлар туфайли махфий ҳарбий объектлар жойлашган жойларни аниқлаш мумкин. Бу ҳақда TJournal хабар берди.
Корданинг сўзларига кўра, «Яндекс.Хариталар» фақат икки мамлакат — Исроил ва Туркиядаги объектларни бўяйди. Шу жумладан, ҳарбий аэродромлар, ўқ-дори сақланадиган бункерлар ва шаҳарлардаги бир нечта бинолар — жами тахминан 300 та иншоот. Шундан келиб чиқиб, тадқиқотчининг хулоса қилишича, «Яндекс» мазкур икки мамлакат ҳукуматлари билан ҳарбий объектларни яширишга келишиб олган.
«Яндекс» томонидан маълум қилинишича, Исроил харитаси мазкур давлатнинг расмий харитасига мос келади. Унда «махфий объектлар» бўялган ҳолда кўрсатилган ва бундан барча бохабар бўлиши мумкин. Туркия ва Исроилда хизмат хариталарни маҳаллий стандартларга мослаштиради.
Изоҳ (0)