Тошкентнинг Қушбеги даҳасида 7 декабрь куни Cobalt русумли автомобиль ёниб кетгани ҳақида хабар берилган эди. UzNews нашри ИИВ Ёнғин хавфсизлии бош бошқармасига асосланиб, воқеа тафсилотларини маълум қилди.
Маълум бўлишича, фуқаро А.Ф.га қарашли Cobalt Қушбеги даҳаси бўйлаб ҳаракатланиб кетаётган вақтида ёниб кетган. Ёнғинга автомобиль салонида газ-ҳаво аралашмаси тўпланиб қолгани сабаб бўлган — фуқаро машина багажида маиший газ баллонини олиб кетаётган бўлган.
Ёнғин воқеа жойига етиб келган иккита ёнғин экипажи томонидан ўчирилган. Cobalt ҳайдовчиси А.Ф. куйиш жароҳатини олиб, касалхонага ётқизилган. Унинг жорий аҳволи ҳақида маълумот йўқ.
Изоҳ (0)