Тошкент кўчаларида Chevrolet Tracker пайдо бўлди. «Xabar.uz»нинг ёзишича, оқ ва қора рангли икки автомобилнинг суратлари ижтимоий тармоқларда тарқалган.
Аввалроқ GM Uzbekistan компанияси синов тариқасида 28 та Tracker’ни йиғгани ҳақида, шунингдек, автомобиль 2018 йил сентябридан сотувга чиқарилиши режалаштирилгани ҳақида хабарлар берилган эди.
Бундан ташқари, автомобиль август ойида Жиззахда бўлиб ўтган Халқаро инвестицион форум доирасида ҳам намойиш этилган эди. Қайд этиш жоиз, Тошкентда патруль хизмати ходимлари учун 50 та Tracker сотиб олиниши кўзда тутилган.
Изоҳ (0)