Microsoft корпорацияси Google’нинг Chromium платформаси асосида янги браузер устида ишламоқда. Бу ҳақда Windows Central хабар берди.
Янги браузер лойиҳаси Anaheim ишчи номи билан аталмоқда ва Edge браузерининг ўрнини эгаллаши керак. Аввалроқ Microsoft, Google ва Qualcomm компаниялари ҳамкорликда Chrome’нинг АRМ процессорли Windows 10 учун мўлжалланган махсус талқинини яратиш бўйича ишлаётгани ҳақида хабарлар пайдо бўлган.
Хабар берилишича, Microsoft тўлиқ янги браузер устида ишламоқда, унга асос сифатида Chromium олинган. Янги браузернинг 2019 йил бошида тақдим этилиши кутилмоқда.
Айни пайтда Windows 10 нинг браузери Microsoft Edge ҳисобланади. Мазкур браузернинг Internet Explorer ўрнини эгаллаши кутилган эди, бироқ компания иккала браузерни ҳам қолдиришга қарор қилган.
Изоҳ (0)