Самарқанд вилояти ҳокими вазифасини бажарувчи Эркинжон Турдимовнинг вилоят тиббиёт ходимлари билан учрашувларида соҳадаги камчиликлар, ечимини кутаётган муаммолар ва уларнинг келгусида бартараф этиш юзасидан танқидий фикрлар билдирилганди. «Каттақўрғон ҳаёти» газетасининг билдиришича, туманда ушбу белгиланган вазифалар ижросини таъминлаш юзасидан чора-тадбирлар бошланган.
Биринчи галда иббиёт ходимларининг масъулиятларини оширишга эътибор қаратилган. 20 ноябрь куни туман тиббиёт бирлашмасининг 150 нафар шифокори ва 150 нафар ҳамшираси туман мутасаддилари, кенг жамоатчилик олдида қасамёд қабул қилган.
— Туманимиздаги шифокор ва ҳамширалар инсон саломатлигини асраш, бу йўлда бор билимларини аямасликка қасамёд қилди. Бу уларнинг масъулиятини, фидойилигини оширишга хизмат қилади, — дейди туман тиббиёт бирлашмаси бош шифокори Олим Хўжамбердиев.
Изоҳ (0)