Бутун дунё бўйлаб Facebook ва Instagram ижтимоий тармоқлари фойдаланувчилари ушбу сервислар ишида муаммоларга тўқнаш келди, деб ёзади «РИА Новости» Downdetector сайтига таяниб.
Носозликлар 20 ноябрь куни Тошкент вақти билан 18:00 атрофида бошланган. Муаммолар Англия, АҚШ, Польша, Венгрия ва Бразилия аҳолисида қайд этилган.
Фойдаланувчилар тизимга киришда муаммолар юзага келаётгани, шунингдек, саҳифада Service Unavailable ёзуви пайдо бўлаётганидан шикоят қилмоқда.
Аввалроқ Ўзбекистон ахборот технологиялари ва коммуникацияларини ривожлантириш вазири биринчи ўринбосари Олимжон Умаров Ўзбекистонда Facebook ва «ВКонтакте» ижтимоий тармоқларига кириш, YouTube видеохостингидан фойдаланиш билан боғлиқ муаммолар ташқи интернет-канал сиғимини кенгайтириш ишлари билан боғлиқ бўлиши мумкинлигини айтган эди.
Изоҳ (0)