Ҳиндистондаги Amity University хусусий университети ректори Атул Чаухан бошчилигидаги делегация 17–19 ноябрь кунлари ташриф билан Ўзбекистонда бўлади. Бу ҳақда ЎзА хабар бермоқда.
Ташриф доирасида Ўзбекистонда Amity University университети филиалини ташкил этиш масалалари юзасидан музокаралар ўтказилиши режалаштирилган.
Меҳмонлар Тошкент шаҳридаги Инҳа ҳамда Вестминстер университетларида бўлиб, мазкур олий таълим даргоҳларида яратилган шароит, таълим тизимини ислоҳ қилиш борасидаги ишлар билан яқиндан танишади.
Ҳиндистон делегацияси аъзолари, шунингдек, 19 ноябрь куни Тошкентда бўлиб ўтадиган Туризм соҳасидаги биринчи халқаро инвестициявий форумда ҳам иштирок этади.
Amity University’нинг Нью-Йорк, Лондон, Дубай, Сингапур, Хитой ва ЖАРда филиаллари бор. Халқаро рейтингларга кўра, Амити университети дунёнинг энг нуфузли 1000, Осиёнинг эса 300 олий ўқув юрти қаторига киради.
Изоҳ (0)