Наманган вилоятининг Янгиқўрғон туманидаги Исковот қишлоғида 158 йиллик тарихга эга бинода «Нуронийлар маскани» очилди. Бу ҳақда туман ҳокимлиги ахборот хизмати маълум қилди, дея хабар беради «Turon 24».
«1860 йилда шу бинода қишлоқ масжиди иш бошлаган. Шўролар даврида ёпилиб, омборхона вазифасини бажарган. Кейинчалик музейга айланди, охирги пайтларда эса қаровсиз ҳолга келиб қолганди», — дейди қишлоқ фаолларидан Носирхон Ҳасанов.
«Нуроний» жамғармаси туман бўлими раиси Мавлонжон Абдуллаевнинг айтишича, қишлоқ кексалари маслаҳатлашиб, бу ерни нуронийлар масканига айлантиришга қарор қилди. Бунинг учун 50 миллион сўмдан ошиқ пул йиғилди, камига туман ва вилоят ташкилотлари ўз ҳиссаларини қўшди. Кимдир сўри, кимдир велотренажёр, яна кимдир китоблар келтирди. Икки-уч ой давом этган таъмирлаш ишларидан сўнг қишлоқдаги 3 мингга яқин пенсионер учун хизмат қиладиган маскан барпо бўлди.
Мазкур масканда чойхона, мурожаатларни қабул қилиш хонаси, мўъжаз кутубхона ва спорт билан шуғулланиш хонаси бор.
Изоҳ (0)