АҚШ космик кучларини шакллантириш учун ажратиладиган маблағлар биринчи навбатда ташкилий-штат тузилмасига ва орбитал жанговар тизимларни яратиш ва ишлаб чиқариш соҳасидаги компанияларни кучайтиришга сарфланади. «Националная оборона» журналининг бош муҳаррири Игорь Коротченко шундай фикрда, деб ёзмоқда «РИА Новости».
Аввалроқ АҚШ мудофаа вазирининг ўринбосари Патрик Шенаханга таяниб, мамлакат космик кучларини тузиш 5—10 миллиард доллар талаб қилиши ҳақида хабар берилган. Ундан аввал эса бу вазифани амалга ошириш дастлабки беш йилда 13 миллиард долларни талаб қилиши ҳақида хабарлар тарқалганди.
Экспертнинг фикрича, айни вақтда АҚШга қуролли кучларнинг янги кўринишини шакллантириш муҳим ҳисобланади. Бунда яқин вақт ичида жанговар космик тизимларни, шу жумладан, зарба берувчи тизимларни тайёрлаш ва ривожлантириш кўзланади.
Унинг қўшимча қилишича, жанговар космик тизимларни яратиш соҳасида ҳарбий саноат комплекси корхоналарини кучайтириш учун янги ташкилий-штат тузилмаси, шунингдек, жанговор тизимни бошқариш идеологияси зарур.
Изоҳ (0)