Олимлар қўзиқоринлардан электр токи олишга муваффақ бўлди

Қайта тикланадиган энергиянинг янги турларини излаётган олимлар анча вақтдан буён сиан бактерияларни ўрганмоқда. Бу микроорганизмлар табиий йўл билан ёруғлик ва электр токи ҳосил қилади. Сиан бактериялари сунъий юзада жуда тез ўлади. Шунинг учун улар ишлаб чиқарадиган электр токидан ҳеч нарса қилиб бўлмаган. АҚШнинг Стивенс технология институти олимлари бактериялар учун оптимал юза — бионик қўзиқоринларни яратди. «Нано технология» хабар берди.

Бионик қўзиқоринларни олиш учун олимлар оддий қўзиқоринларни 3D принтерида ишлаб чиқарилган наноматериаллар билан чатиштирган. Дастлаб уч ўлчамли принтерда графен полосали электрон сиёҳ чоп этилган. Сиёҳ ёрдамида оддий қўзиқориннинг бошига шохланувчи нақш туширилган. Шундан кейин сиан бактерияли биосиёҳ чоп этилган. Биосиёҳ ёрдамида оддий қўзиқорин бошига спирал кўринишидаги нақш туширилган. Шундан сўнг қўзиқоринларни ёритиб, сиан бактерияларда фотосинтез фаоллаштирилган. Икки хил сиёҳнинг бир-бирига теккан жойида графен нанополосалари сиан бактериялар томонидан чиқарилган токни йиғган.

Бионик қўзиқоринлар ишлаб чиққан энергия минимал ҳисобланади. Бироқ олимларнинг фикрича, қўзиқоринлар муаммонинг асосий ечими бўлган, энди очилган соҳани тадқиқ қилиш қолди.