Марко Асенсио Роналду ортидан «Ювентус»га ўтиши мумкин

Мадриднинг «Реал» клуби ярим ҳимоячиси Марко Асенсио «Ювентус»га ўтишни хоҳламоқда. Бу ҳақда Tuttosport нашри хабар берди.

Қайд этилишича, Асенсио ўтган мавсумда Турин клуби мухлисларининг Криштиану Роналдунинг илиқ кутиб олишганидан қаттиқ таъсирланган. Испаниялик бу билан «Реал» раҳбариятига «Ювентус»га кўчиб ўтиш истаги борлигига шама қилган.

У, шунингдек, «Юве» ва «Реал» собиқ форварди Альваро Мората билан Турин клуби ҳақида суҳбатлашган. Асенсионинг ўзи Массимилиано Аллегри қўл остида олдинга қадам ташлаши мумкинлигига ишонмоқда.

Маълумот учун, Марко жорий мавсум «Реал» таркибида 12 та ўйин ўтказиб, 1 та гол урди ва 4 та голли узатмани амалга оширди.