Латвиянинг Cleantech Latvia компанияси Тошкент ҳокимлиги билан иқтисодий ва экологик планда ўсишнинг бутун салоҳиятини очиш мақсадида шаҳарни барқарор ривожлантириш масалалари бўйича ҳамкорлик қилишга қизиқиш билдирди. Бу ҳақда компания ижрочи директори Эвия Пудане маълум қилди, деб ёзади Тошкент шаҳар ҳокимлиги матбуот хизмати.
Учрашувда шаҳар ресурсларини бошқаришда гео-макон ечимлари, Тошкентда ситуатион марказ яратиш, «Ақлли шаҳар» лойиҳаларини бошқариш ва ишлаб чиқиш масалалари кўтарилди.
Меҳмонлар Латвиядаги Елгава шаҳарчаси мисолида тақдимот намойиш қилиб, ушбу масалалар бўйича ўз тажрибалари билан таништирди.
Изоҳ (0)