Фаластинни озод қилиш халқ фронти бош котибининг ўринбосари Тала Нажийнинг маълум қилишича, АҚШ томонидан Яқин Шарқдаги вазиятни тартибга солиш бўйича таклиф қилинаётган «аср шартномас» ҳеч қандай яхшилик келтирмайди. Бу ҳақда «РИА Новости» хабар берди.
Расмийнинг маълум қилишича, Фаластин халқининг бирорта ҳам талаби эътиборсиз қолдирилиши керак эмас. Илгари сурилаётган «аср шартномаси» ғояси минтақа халқлари учун ҳеч қандай яхшиликни кўзда тутмайди. Бу — Фаластин халқига таклиф қилинаётган «заҳарланган ширинлик». Унинг қайд этишича, Фаластин ва унинг иттифоқчиси бўлган Россия буни яхши тушунади.
Нажийнинг қўшимча қилишича, бу «шартнома» минтақага умумий салбий таъсир кўрсатиши билан бирга, фаластинликлар учун зарар ҳам ҳисобланади, чунки ҳужжат фаластинликлар ўртасидаги қарама-қаршиликларни кучайтиришга қаратилган.
Изоҳ (0)