Жорий йилнинг 12—21 октябрь кунлари Туркиянинг Анталия шаҳрида ўтказилган армрестлинг бўйича 40-Жаҳон чемпионатида Ўзбекистон номидан Зуҳра Хўжақулов иштирок этиб совриндор бўлди.
Сирдарёлик Зуҳра Хўжақулова Жаҳон чемпионатида ёшлар ўртасида баҳсларда 65 кг вазнда қатнашди. У 51 та давлатдан келган спортчилар билан бўлган беллашувларда 2-ўринни эгаллади.
Ўзбекистон эса умумжамоа ҳисобида 4-ўринни банд этди.
Маълумот учун, 2002 йилда туғилган Зуҳра Хўжақулова 2016 сентябрь ойидан бошлаб спортнинг армрестлинг тури бўйича шуғулланиб келади.
Зуҳра дастлаб Сирдарё вилояти чемпионатида чап ва ўнг қўл бўйича 2 марта 1-ўринни, Ўзбекистон чемпионатида бир марта 1-ўринни, 4 марта 2-ўринни, 2017 йил октябрида эса Қозоғистонда ўтказилган очиқ Осиё кубоги мусобақасида 2-ўринни қўлга киритган.
Изоҳ (0)