Тенгдоши билан «разборкаси» учун тошкентлик қиз йил бошида жавобгарликка тортилган. Бу ҳақда ИИББ матбуот хизмати маълум қилди.
Шайхонтаҳур туман маъмурий суди 17 яшар Нигина Ю. ва унинг дўсти Ҳожиакбар А.га нисбатан ишни жорий йил 23 февраль куни, яъни ушбу воқеа рўй бериб, видеога олинган ва интернетга жойланган пайтда кўриб чиққанди. Нигина курсдоши Ширин.И.ни калтаклаган қиз бўлиб, у Ҳожиакбар тасвирга олган видеони интернетга қўйган.
Суд Нигинани Маъмурий жавобгарлик тўғрисидаги кодекснинг 183 ва 194-моддаларида кўзда тутилган ҳуқуқбузарликларни содир этган деб топиб, энг кам иш ҳақининг 3 баробари миқдоридаги жаримага тортган.
Мазкур видео йил бошидан бери интернетда айланиб, тармоққа қўйилган пост туфайли эндигина кўпчиликнинг эътиборига тушгани ойдинлашди.
Изоҳ (0)