“Росатом” мансабдори Атом энергетикасини ривожлантириш агентлигида раҳбарлик лавозимига тайинланди

Виталий Драгунов Вазирлар Маҳкамаси ҳузуридаги Атом энергетикасини ривожлантириш агентлиги бош директорининг биринчи ўринбосари этиб тайинланди. Бу ҳақда «Ҳуқуқий ахборот» канали маълум қилди.

Драгунов шу кунга қадар “Росатом”нинг Марказий Осиё бўйича директори сифатида ишлаб келган. Ҳозирча унинг иккала лавозимда ҳам иш олиб бориши борасида маълумотлар йўқ.

Маълумот учун, Атом энергетикасини ривожлантириш агентлиги Президентнинг 2018 йил 19 июлдаги «Ўзбекистон Республикасида атом энергетикасини ривожлантириш чора-тадбирлари тўғрисида»ги фармони билан ташкил этилган.