Илк бор ўтказилаётган Ўзбекистон—Россия таълим форуми олдидан ОАВ ходимлари учун брифинг ташкил этилди. Бу ҳақда ЎзА хабар бермоқда.
Президент маслаҳатчиси А.Абдуваҳитов, олий ва ўрта махсус таълим вазирининг биринчи ўринбосари О.Абдураҳмонов, Олий таълим муассасалари ректорлари кенгаши раиси, Ислом Каримов номидаги Тошкент давлат техника университети ректори С.Туробжонов мамлакатда изчиллик билан амалга оширилаётган таълим соҳасидаги ислоҳотлар замирида мамлакатни янада тараққий эттириш, соҳалар учун юқори билимга эга мутахассисларни тайёрлашдек мақсадлар мужассам эканини таъкидлади.
Ўзбекистон—Россия таълим форуми икки давлат ўртасида олий таълим тизимидаги ўзаро стратегик ҳамкорлик алоқаларини янги босқичга олиб чиқиш, маърифий, илмий жамоатчиликнинг ўзаро фикр ва тажриба алмашиши, олий ўқув даргоҳлариаро алоқаларни кенг йўлга қўйиш, таълимга оид янги дастурлар, лойиҳаларни режалаштиришда муҳим аҳамият касб этади.
Мазкур йирик форумда Ўзбекистон олий таълим даргоҳлари билан бирга Россиянинг энг нуфузли олий таълим масканлари ректорлари, илмий жамоатчилиги иштирок этиши, ҳамкорликда кўплаб шартнома ва келишувлар имзоланиши кўзда тутилган.
Изоҳ (0)