Ислом Каримов номидаги Халқаро аэропортда Ўзбекистон Республикаси Ички ишлар вазирлиги Транспортда жамоат хавфсизлигини таъминлаш бошқармаси бошлиғининг биринчи ўринбосари Вали Хидиралиев ва Хитой Халқ Республикасининг Ўзбекистондаги элчихонаси Жамоат хавфсизлиги вазирлиги вакили Лю Тунпин Чен Дуншень бошчилигидаги ХХР делегацияси аъзоларини кутиб олди. Бу ҳақда ЎзА хабар бермоқда.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси маълумотларига кўра, бугун, 16 октябрь куни меҳмонлар «Афросиёб» тезюрар поездида Самарқандга жўнаб кетди. У ерда Самарқанд вилояти ИИБ Транспортда жамоат хавфсизлигини таъминлаш бўлими фаолияти ва Самарқанд шаҳрининг диққатга сазовор жойлари билан танишиши режалаштирилган.
Ташрифнинг учинчи куни меҳмонлар Ўзбекистон Республикаси Ички ишлар вазирлиги академияси, Тошкент марказий вокзалига ва Халқаро аэропортга ҳамда тўртинчи куни Тошкент шаҳрининг туризм объектларига ташриф буюради. Ташрифдан асосий мақсад ҳар икки томоннинг темирйўлларда хавфсизликни таъминлашда ўзаро ҳамкорликни мустаҳкамлаш ва ушбу йўналишда ўзаро тажриба алмашишга қаратилган.
Изоҳ (0)