Хитой ҳукумати сентябрь охирида Хитойга кетиб, ўшандан буён оиласи ва танишлари билан алоқага чиқмаган Интерпол президенти Мэн Хунвэй ҳибсда эканлигини тасдиқлади, деб ёзади Meduza. У «жиноий фаолият»да гумонланмоқда — айнан қандай фаолиятлигига аниқлик киритилмаяпти.
Мэн Хунвэйнинг самолёти 25 сентябрь куни Хитойга қўниши билан, уни қўлга олишган ва сўроқ қилишга олиб кетишган.
Мэн Хунвэйнинг рафиқаси айтиб беришича, ғойиб бўлишидан аввал унга пичоқнинг суратини жўнатган. Аёлнинг фикрича, эри шу тариқа унга хавф остида эканлигини билдирмоқчи бўлган. Суратни юборишдан 4 дақиқа олдин эса унга «Менинг қўнғироғимни кут» деган хабар юборган.
Изоҳ (0)