«Тошкент» телеканали халқаро телевизион фестиваль совриндори бўлди

Ўзбекистон Миллий телерадиокомпанияси «Тошкент» телеканали ижодий жамоаси томонидан суратга олинган «Жаннатмакон Ўзбекистон» ҳужжатли фильми «ТЭФИ Ҳамдўстлик- 2018» халқаро телевизион фестивали совриндори бўлди. Бу ҳақда ЎзА хабар берди.

Маълумот ўрнида, «Россия телевидение академияси« жамғармаси томонидан Мустақил Давлатлар Ҳамдўстлиги ва яқин хориждаги телевидение ижодкорлари ўртасида анънавий ўтказиб келинадиган «ТЭФИ Ҳамдўстлик» ўз нуфузи билан телевидение соҳасига бағишланган бошқа халқаро фестиваллардан қолишмайди. Унга 2011 йилда асос солинган бўлиб, фестиваль илк кунларданоқ МДҲга аъзо мамлакатлар гуманитар ҳамкорлиги жамғармаси ва Россия матбуот ва оммавий коммуникациялар федерал агентлиги томонидан рағбатлантирилиб келинмоқда.