Индонезияда табиий офатлар қурбонлари сони 1760 кишидан ошди

Индонезияда зилзила ва цунами қурбонлари сони 1763 кишини ташкил этди. Бундан ташқари, яна 5 минг киши бедарак йўқолган ҳисобланмоқда, деб хабар беради «Корреспондент.net».

Энг кўп одам Балароа ва Петобо туманлари ҳудудида йўқолган. Қидирув ишлари давом этмоқда.

Палу ва бошқа шаҳарларда вайроналар остидан таналар олиб чиқилиши давом этмоқда. Шу туфайли қурбонлар сони ошиши кутилмоқда.