Янги Зеландияда божхонада телефонни кўрсатишдан бош тортганлик учун жарима жорий қилинди
Янги Зеландия ҳукумати божхоначиларга ўз телефонини кўздан кечиришга қўймайдиган сайёҳларни 3200 доллар миқдорида жарима тўлашга мажбур қилди. Бу ҳақда «Korrepondent.net» хабар берди.
Қайд этилишича, мамлакатга кириш бўйича янги қоидалар жорий ҳафтада кучга кирган. Уларга кўра, масъул шахслар мамлакатга келувчилардан телефонни кўздан кечириш учун уни блокдан чиқаришни талаб қилиш ҳуқуқига эга. Агар сайёҳ буни рад қилса, телефон олиб қўйилиши ва ҳатто мусодара қилиниши мумкин.
Янги Зеландия расмийлари бундай янги қоидалар зарурат сабабли жорий қилинганини таъкидламоқда, чунки айни пайтда тақиқланган маълумотлар асосан электрон шаклда сақланади ва ташилади.
Ўз навбатида, маҳаллий ҳуқуқ ҳимоячилари янги қабул қилинган қонунда шахсий ҳаётга даҳлни кўрмоқда.
