Ўзбекистон Президенти Шавкат Мирзиёевнинг Ҳиндистонга ташрифи доирасида Нью Дели шаҳрида Кичик бизнес ва хусусий тадбиркорлик субъектларининг экспортини қўллаб-қувватлаш жамғармаси ўз ваколатхонасини очди. Бу ҳақда ЎзА хабар берди.
Ваколатхонанинг асосий вазифаси Ҳиндистон бозорида маркетинг тадқиқотларини ўтказиш, хорижий ҳамкорларни топиш, маҳаллий брендлар рекламасини таъминлаш, кўргазма, ярмарка, тендер савдолари ва бошқа тадбирларда тадбиркорларнинг иштирокини ташкиллаштиришдан иборат.
Қолаверса, ваколатхона хорижлик ишбилармон доира вакилларининг юртимизда бизнес фаолиятини юритиш учун яратилган шароитлар ҳақидаги маълумотлар билан таништириб, уларнинг ўз сармояларини киритишга жалб қилишда фаол иштирок этади.
Ваколатхона очилиши муносабати билан жамғарманинг Нью Дели шаҳридаги ваколатхонаси кўмагида Ҳиндистоннинг Aditya Export ва Ўзбекистоннинг «Ўзбекистон Шампани» компанияси ўртасида илк шартнома тузилди. 1 миллион долларга имзоланган шартномага кўра, жорий йилнинг декабрь ойидан бошлаб, маҳсулотлар Ҳиндистонга етказиб берилади.
Изоҳ (0)