Жорий йилнинг 6—13 октябрь кунлари Индонезия пойтахти Жакарта шаҳрида III Параосиё ўйинлари бўлиб ўтади. Ушбу мусобақада ўзбекистонлик паралимпиячилар ҳам иштирок этади. Бугун спортчилар Жакартага кузатилди. Бу ҳақда МОҚ матбуот хизмати хабар берди.
Аввалига Ўзбекистон Миллий паралимпия ассоциациясида спортчилар учун байрам дастурхони ёзилди.
Сўнгра Ислом Каримов номидаги Тошкент халқаро аэропортида Параосиё ўйинларида Ўзбекистон шарафини ҳимоя қилувчи спортчиларни тантанали кузатиш маросими ўтказилди.
Маълумот учун, III Параосиё ўйинларида Ўзбекистон терма жамоаси тарихда илк маротаба 54 нафар спортчи билан иштирок этади. Ўзбекистонлик атлетлар спортнинг бешта тури: пауэрлифтинг, дзюдо, ўқ отиш, сузиш ва енгил атлетика бўйича баҳсларда ўз омадларини синаб кўради.
Изоҳ (0)