Адлия вазирлиги бир қатор ташкилотлар билан ҳамкорликда «Биз коррупцияга қаршимиз» мегатанловини ўтказади.
Коррупция мавзусига кенг миқёсда эътиборни тортиш, қамровли тарғиботни амалга ошириш, муаммоларни аниқлаш, жамиятда коррупцияга қарши муросасизлик кайфиятини шакллантириш,ушбу иллатга нисбатан фуқаролик позициясини шакллантириш мақсадида мазкур танлов ташкил этилмоқда, дея хабар берди вазирлик матбуот хизмати.
9 декабрь – Халқаро коррупцияга қарши кураш куни муносабати билан ташкил этилган «Биз коррупцияга қаршимиз» мегатанлови жорий йилнинг1 октябрдан 1 декабргача қуйидаги тўрт йўналиш бўйича ўтказилади:
1. Энг яхши журналистик материал (телекўрсатув, раиоэшиттириш, мақола);
2. Энг яхши блогпост;
3. Энг яхши ижтимоий ролик;
4. Энг яхши иншо («Коррупция – тараққиёт кушандаси» иншолар танлови).
Саралаш, ярим финал ва финал босқичларида ўтадиган ушбу танловда Ўзбекистон Республикасининг барча фуқаролари иштирок этишлари мумкин.
Бир қатор халқаро ташкилотлар ҳомийлигида ўтадиган мегатанлов ғолиблари қуйидаги қимматбаҳо совғалар билан тақдирланадилар:
Ҳар йўналиш бўйича 3-ўрин ғолибларига ‒ телевизор;
Ҳар йўналиш бўйича 2-ўрин ғолибларига ‒ ноутбук;
Ҳар йўналиш бўйича 1-ўрин ғолибларига ‒ Samsung S9 смартфони.
Мегатанловга келиб тушган материалларни баҳолаш учун ҳакамлар ҳайъати тузилади.
Танлов ғолиблари Халқаро коррупцияга қарши кураш куни арафасида эълон қилинади.
Батафсил маълумот ва танлов шартлари билан www.adliya.uz сайтида танишишингиз мумкин.
Изоҳ (0)