Британиялик биологлар грипп вируси пўстлоғининг алоҳида қисмини очди ва ундан бу касалликка қарши яна бир универсал вакцинани яратишда фойдаланди. Бу қисмнинг тузилиши ярим аср давомида ўзгармаган. Бу ҳақда «РИА Новости» хабар берди.
Бундай ёндашувни нафақат гриппга қарши янги вакцина яратишда қўллаш, балки ҳозирча етарлича курашиб бўлмаётган касалликлар билан ҳам курашишда ишлатиш мумкин. Қисқа вақт ичида янги вакциналарни яратишда инқилоб бўлиши мумкин.
Ҳар йили грипп эпидемияси юз минглаб кишиларни ҳаётдан олиб кетади. Вируснинг уч хил тури — А, Б ва C борлиги унга қарши курашни мураккаблаштиради.
Шунинг учун айнан қайси тур яқин вақт ичида кенг тарқалишини тахмин қилиш қийин. Бундан ташқари, эмлаш фақат битта ёки бир неча вирус турига қарши иммунитет ишлаб чиқишга имкон беради.
Изоҳ (0)