Бугун, 7 сентябрь куни Индонезиянинг пойтахти Жакартада Kompas Travel Fair – 2018 халқаро туристик кўргазмаси ўз ишини бошлади. Кўргазмада Ўзбекистоннинг туризм салоҳиятини тарғибот қиладиган стенд билан иштирок этиш элчихона ташаббуси билан амалга оширилди. Бу ҳақда Ўзбекистоннинг Жакартадаги элчихонаси хабар бермоқда.
Ташриф буюрувчиларнинг асосий қисми «Зиёрат туризмга» қизиқиш билдирмоқда. Шу билан бирга, Индонезия фуқаролари учун визасиз режим жорий этилгани, ҳамда Тошкент—Жидда йўналиши бўйича авиақатнов йўлга қўйилгани кўргазма қатнашчиларини жуда қувонтирди.
Кўргазма ташкилот қўмитасининг раҳбари Диана Эка Пуспита Индонезия саёҳатчилари орасида Ўзбекистонга қизиқиш тобора ортиб бораётгани тўғрисида алоҳида тўхталиб ўтди. Унинг фикрича, Ўзбекистоннинг ўз стенди билан қатнашиши, индонезияликларда Ўзбекистон тўғрисидаги маълумотларини кенгайтиришга, бу эса ўз ўрнида туристик оқимни кўпайишига олиб келади.
Kompas Travel Fair халқаро туристик кўргазмаси 2012 йилдан буён ўтказиб келинмоқда ва Индонезиядаги энг йирик кўргазмалардан ҳисобланади. Жорий йили тадбир 7—9 сентябрь кунлари давом этиб, унда 10 та авиакомпания, 71 та туристик ташкилот иштирок этмоқда ва 44 мингдан зиёд меҳмон ташрифи режалаштирилган.
Изоҳ (0)