GM Uzbekistan’нинг «Очиқ осмон остидаги савдо» акцияси илк харидорларни қабул қилди
2 сентябрь куни GM Uzbekistan «Очиқ осмон остидаги савдо майдончалари» акциясини йўлга қўйган эди. Шу куни аксарият автосалонлар байрам муносабати билан ёпиқ бўлгани боис «45 дақиқа ичида автомобиль» дастурига мувофиқ автомобиль харид қилиш истагида бўлган мижозларимиз борлигини ва улар нафақат Spark, балки исталган автомобилларини харид қилиб, велосипед олиши мумкин эди.
Шундай салон илк бор Тошкент шаҳридаги «Сергели» автомобиль бозори ҳудудида ўтган дам олиш кунлари ташкил этилди, бу ерда савдога энг талабгир Spark, Cobalt ва Lacetti русумли автомобиллари қўйилди, деб хабар беради GM Uzbekistan «Дарё»га.
Автосалоннинг илк иш кунида жами 3 миллиард 850 миллион сўмлик 40 дона автомобилга шартнома тузилди.
Дам олиш кунлари бўлишига қарамай, «Очиқ осмон остидаги автосалон» илк мижозларни қабул қилди, кун давомида уларнинг сони ортиб борди. Автосалон ходимлари харидорларга юқори даражада сервис хизмати кўрсатиб, максимал даражада қулайлик тақдим этишга ҳаракат қилди.
Айни жараёнда очиқ осмон остидаги автосалонларда савдога 1475 та Spark, Cobalt ва Lacetti русумли автомобиллари қўйилди.
«Харидорларнинг истак ва таклифларини инобатга олиб, автомобиллар сонини оширишга ҳамда яқин фурсатларда бошқа русумдаги ва турли комплектация ва рангдаги автомобилларни қўшишга ваъда берамиз», — маълум қилди компания вакиллари.
