ФИФА йилнинг энг яхши футболчиси бўлишга 3 нафар номзодни эълон қилди, Месси рўйхатда йўқ

ФИФА ташкилоти йилнинг энг яхши ўйинчисига топшириладиган соврин учун 3 нафар асосий номзод номини эълон қилди.

Унга кўра «Реал Мадрид» ҳамда Хорватия терма жамоаси ярим ҳимоячиси Лука Модрич, «Ювентус» ҳамда Португалия терма жамоаси ҳужумчиси Криштиану Роналду ва «Ливерпуль» ҳамда Миср терма жамоаси ҳужумчиси Муҳаммад Салоҳ йилнинг энг яхши футболчиси бўлиш учун асосий даъвогарлар сифатида қайд этилди.

Мазкур номзодлар мухлислар ва мутахассислар ўртасида ўтказилган сўровлар орқали танлаб олинган.

Йилнинг энг яхши футболчиси бўлишга даъвогарлар қаторидан Эден Азар («Челси»), Рафаэль Варан («Реал»), Антуан Гризманн («Атлетико»), Кевин де Брюйне («Манчестер Сити»), Ҳарри Кейн («Тоттенҳэм»), Килиан Мбаппе (ПСЖ), Лионель Месси («Барселона») каби футболчилар ўрин олганди. Бироқ мазкур номзодлар кучли учликка кириш учун етарлича овоз тўплай олмаган.