Бэйл, Месси, Роналду, Салоҳ. ФИФА йилнинг энг чиройли голи совринига даъвогарларни эълон қилди (видео)

ФИФА йилнинг энг чиройли голи учун топшириладиган Ференц Пушкаш соврини учун курашадиган футболчилар номини эълон қилди.

Унга кўра Денис Черишев (Россия терма жамоаси), Гарет Бэйл («Реал»), Лазарос Христодулопулос («Олимпиакос»), Криштиану Роналду («Реал»/«Ювентус»), Жоржиан де Арраскаэта («Крузейро»), Райли Макгри («Ньюкасл Жец»), Лионель Месси («Барселона»), Бенжамен Павар (Франция терма жамоаси), Рикарду Куарежма (Португалия терма жамоаси), Муҳаммад Салоҳ («Ливерпуль») каби футболчилар мавсумдаги чиройли голлари орқали 2018 йилнинг энг чиройли голи учун топшириладиган совринни ютишга ҳаракат қилиб кўришади.

Аввалроқ йилнинг энг яхши мураббийи, футболчиси ҳамда дарвозабони бўлишга асосий номзодлар номи эълон қилингани ҳақида хабар берилганди.