Хитой жануби-ғарбидаги сув тошқини оқибатида 5 киши ҳалок бўлди

Хитой жануби-ғарбидаги Юннань провинциясида сув тошқини оқибатида беш киши ҳалок бўлди, беш киши жабрланди. Бундан ташқари, 16 киши бедарак йўқолган сифатида қайд этилган. Бу ҳақда маҳаллий ҳукумат хабар бермоқда, деб ёзади «РИА Новости».

2 сентябрь, якшанба кунининг илк соатларида Малипо уездига ёпирилган кучли ёмғирлар сув тошқинини келтириб чиқарди.

Табиий офат электр таъминоти, алоқа ва транспорт қатновидаги узилишлар, шунингдек, уйларнинг вайрон бўлиши ва йўлларнинг чўкишига сабаб бўлди.

Маҳаллий вақт билан 17:00 ҳолатига, беш киши ҳалок бўлганлиги, беш киши жабрланганлиги ва 16 киши бедарак йўқолган деб қайд этилганлиги хабар қилинмоқда.

Қидирув-қутқарув ишлари давом этмоқда.