Бугун,

  • USD 11095.31
  • RUB 173.84
  • EUR 10772.44

Ўзбекистон Президенти Шавкат Мирзиёев 29 август куни миллиардер Алишер Усмоновни «Эл-юрт ҳурмати» ордени билан мукофотлаш ҳақида фармон имзолаган эди. 31 август куни Алишер Усмонов ушбу орденни Президентнинг шахсан ўзидан қабул қилиб олди. Шундан сўнг у кичик бир нутқ билан чиқиш қилди.

Бугунги кун ҳаётимдаги жуда улуғ ва ҳаяжонли бир кун бўлиб қолади. Чунки Ватан раҳбари бугун мени мана шундай юксак нишон билан тақдирлади. Шундан кейин қайси сўз билан ўз миннатдорчилигингни билдиришинг мумкин — мен бундай сўзни топишга ожизман.

Чунки бугун менинг ҳаётимдаги шунча қийинчиликлар, армонлар, умидлар юзага чиқяпти. Ва фақат менинг ҳаётимдаги эмас, балки бутун ўзбек халқининг умидлари бугун сизнинг қўлингизга топширилган. Албатта, ҳар бир ўзбек ўғлининг бугунги мажбурияти — қўлидан келганча, балки қўлидан келишидан ҳам кўпроқ ёнингизда бўлиши керак.

Албатта, бу йўл жуда ҳам қийин ва бугун бу борада ҳеч ким бизга енгиллик бермайди. Ишончим комилки, бутун халқ шундай раҳбар бошчилигида албатта ўйлаган режаларига етади. Мен ўзим учун, мана шу режаларга етишиш учун қилинган ҳар бир ҳаракатимни ҳаётимнинг мазмуни деб биламан.

Сизга яна бир бор катта миннатдорчилик, ўзингизга сиҳат-саломатлик, куч-қувват, халқимизга тинчлик, фаровон ҳаёт ва, албатта, иқтисодий бойлик тилайман.

Алишер Усмонов

Изоҳ
Асосий янгиликлар
Кино
Фильмдаги роли сабаб компьютер графикаси ёрдамида “ёшартирилган” актёрлар (фото) 
Дунё
Boeing ва Airbus’га рақиб: Хитойнинг C919 йўловчи самолёти илк парвозни муваффақиятли амалга оширди
Маҳаллий
Андижонда 20 ёшли йигит каналга тушиб кетган қизни қутқараман деб ўзи чўкиб кетди