Осиё ўйинлари—2018. Миразиз Мирзаҳалилов мезбон боксчини мағлуб этиб финалга чиқди

Бугун, 31 август санасида Индонезиянинг Жакарта ҳамда Палембанг шаҳарларида XVIII ёзги Осиё ўйинларининг 13-куни бўлиб ўтмоқда.

Бокс бўйича -56 кг вазн тоифасида Ўзбекистон шарафини ҳимоя қилаётган Миразиз Мирзаҳалилов Осиё ўйинларининг ярим финал жангида иштирок этди. Унга бу босқичда мезбон индонезиялик Сунан Аморагам рақиблик қилди. Миразиз ҳакамлар қарорига кўра, 5:0 ҳисобида ғалаба қозониб, финал йўлланмасини қўлга киритди.

Эслатиб ўтамиз, аввалроқ -49 кг, -52 кг, 60 кг ва -69 кг вазн тоифаларидаги Ҳасанбой Дўстматов, Жасурбек Латипов, Шунқор Абдурасулов ҳамда Бобусмон Ботуров ярим финал жангларини ўтказиб, финал йўлланмасига эга чиққанди.

Шунингдек, бугун яна 2 нафар ўзбекистонлик боксчи финал йўлланмаси учун рингга чиқади.

• -64кг: Иқболжон Холдоров—Дайсуке Наримацу. Вақти: 17:00
• -75кг: Исроил Мадримов—Феликс Марсял. Вақти: 17:45