Бокс. Шунқор Абдурасулов ҳам Осиё ўйинлари—2018 финалида, навбат Бобоусмонга

Бугун, 31 август санасида Индонезиянинг Жакарта ҳамда Палембанг шаҳарларида XVIII ёзги Осиё ўйинларининг 13-куни бўлиб ўтмоқда.

Бокс бўйича -60 кг вазн тоифасида Ўзбекистон шарафини ҳимоя қилаётган Шунқор Абдурасулов Осиё ўйинларининг ярим финал жангида иштирок этди. Унга бу босқичда таиландлик Ружакран Жунтронг рақиблик қилди. Шунқор рақиби устидан 5:0 ҳисобида ғалаба қозониб, финал йўлланмасига эга чиқди.

Эслатиб ўтамиз, бироз аввал -52 кг вазн тоифасига ярим финал жангида қатнашган Жасурбек Латипов қирғизистонлик рақибини мағлуб этиб финал йўлланмасини қўлга киритганди.

Шунингдек, бугун яна 5 нафар ўзбекистонлик боксчи финал йўлланмаси учун рингга чиқади.

• -69кг: Бобоусмон Батуров—Сайлом Арде. Вақти: 13:15
• -49кг: Ҳасанбой Дўсматов—Зҳонглин Ву. Вақти: 16:00
• -56кг: Миразиз Мирзаҳалилов—Сунан Аморагам. Вақти: 16:45
• -64кг: Иқболжон Холдоров—Дайсуке Наримацу. Вақти: 17:00
• -75кг: Исроил Мадримов—Феликс Марсял. Вақти: 17:45