Тошкент шаҳрининг Учтепа туманида шу йил 29 июнь куни номаълум шахслар Чилонзор 11-даҳасида безорилик оқибатида Л.К. исм-шарифли аёлнинг юзига кислота суюқлигини сепиб, жароҳат етказиб, воқеа жойидан яширинганди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Л.К. ушбу ҳодисадан сўнг касалхонага ётқизилди.
Кўрилган чоралар натижасида ушбу жиноятни Олмазор туманида яшовчи Н.А., Ш.Н., Д.А. ва Ҳ.А. содир этганликлари аниқланди.
Мазкур шахслар қўлга олинди. Суриштирув ишлари олиб борилмоқда.
Изоҳ (0)