Серхио Рамос — Европа Чемпионлар Лигаси 2017/18 йилги мавсумининг энг яхши ҳимоячиси

Айни дамда Франциянинг Монако шаҳрида УЕФА Европа Чемпионлар Лигасининг 2018/19 йилги мавсуми учун қуръа ташлаш маросими бўлиб ўтмоқда.

УЕФА расмийлари қуръа давомида ўтган мавсумнинг энг яхши ўйинчиларини ҳам эълон қилмоқда.

Чемпионлар Лигасининг 2017/18 йилги мавсумининг энг яхши ҳимоячиси номи «Реал Мадрид» сардори Серхио Рамосга насиб қилди. Рамос ҳам Кейлор Навас сингари «Қироллик клуби»нинг мазкур мусобақада кетма-кет уч марта ғалаба қозонишида муҳим ўрин тутган асосий футболчилардан бири бўлганди. Ҳимоячи жамоасининг мусобақадаги 11 та учрашувида қатнашиб битта гол уришга муваффақ бўлган.

Рамосга бу йўлда жамоадошлари Рафаэль Варан ва Марсело рақиблик қилганди.