21 ёшли гонконглик қиз фирибгарлик қурбонига айланди: ишга кириш учун у келин ролини ўйнади, аммо бу ҳақиқий тўй бўлиб чиқди. Ҳужжатни қизнинг ўзи имзолагани туфайли, маҳаллий полиция унга ёрдам беришдан бош тортди, деб ёзади TJournal.
Май ойида гонконглик қиз модель агентлигига визажист ишга олиниши ҳақидаги эълонни ўқиб, резюме юборди. Суҳбатга келган вақтида унга каттароқ маошли бошқа лавозим — тўй ташкилотчилигини маслаҳат беришди. Ишни қўлга киритиш учун қиз сохта тўйда келин ролини ўйнаб бериши керак эди.
Қиз Фучжоуга бориб, у ерда саҳналаштирилган маросимда қатнашди ва «эри» билан келишувни имзолади. Гонконгга қайтгач, у никоҳ гувоҳномаси ҳақиқий эканлиги ва у ростакамига турмушга чиққанидан хабар топди. Маҳаллий полиция қизнинг имзоси ҳақиқий бўлгани туфайли, ҳодисани фирибгарлик деб баҳолай олмаслигини айтди.
Аммо қизнинг адвокатлари ҳужжатлар қалбакилаштирилганини исботлаш учун Фучжоуга йўл олди. Агар улар тўй ҳақидаги қарор устидан шикоят бера олса, қиз ажрим харажатларини тўлашига тўғри келади. Маҳаллий ОАВлар тахмин қилишича, сохта куёв Гонконгда яшаш учун рухсатномага эга бўлиш мақсадида у билан қалбаки никоҳ тузган.
Изоҳ (0)