Хитой шимоли-шарқидаги Хейлунсзян провинциясининг Харбин шаҳридаги меҳмонхонасида чиққан ёнғинда 18 киши ҳалок бўлди. Бу ҳақда Синьхуа агентлигига таяниб, «РИА Новости» хабар берди.
Ҳодиса 25 август, шанба куни тонгда рўй берган. Тўрт қаватдан иборат ғишт-бетонли бинонинг умумий майдони 18 минг квадрат метр. Ёнғин майдони тахминан 400 квадрат метрни ташкил этди.
Хитой марказий телевидениеси маълумотларига кўра, ёнғинни бартараф этишга 4 та ўт ўчирувчилар бригадаси, 107 ўт ўчирувчи жалб қилинган. Ёнғин сабаби ўрганилмоқда.
Изоҳ (0)