Польша президенти Янги Зеландия ва Ирландияни адаштириб юборди

Янги Зеландияда расмий ташриф билан бўлиб турган Польша президенти Анжей Дуда мазкур мамлакатни Ирландия билан адаштириб юборди. Бу ҳақда EADaily хабар берди.

Иккинчи жаҳон уруши йилларида Янги зеландияликлар томонидан польшалик қочоқларга кўрсатилган ёрдам ҳақида гапира туриб, Дуда «Бу инсонийлик муносабати учун Ирландия жамиятига, Ирландия ҳукуматига миннатдорчилик билдирмоқчиман», — деган.

«Зеландия» сўзи ўрнига ишлатилган «Ирландия» сўзи ижтимоий тармоқларда жуда тез тарқалган ва изоҳларга сабаб бўлган.