Хоразмда кўприк қулаши сабаби аниқланди

14 август куни соат тахминан 14:30 да Хоразм вилоятининг Хонқа ва Янгиариқ туманларини туташтирувчи Қорақош-Заҳкаш кўприги қулаб тушди. Мазкур йўлўтказгич кунига 7 мингдан ортиқ автомобилларга хизмат кўрсатган. Бу ҳақда «Darakchi.uz» хабар бермоқда.

Икки туманни боғловчи эни 14 метр, узунлиги 24 метр бўлган кўприк қулаган вақтда Ҳонқа йўлларидан фойдаланиш унитар корхонасининг 12 нафар ишчи-ходимлари бўлган.

Корхона масъул ходими кўприкнинг қулаш сабабини ҳозирги замон талабига жавоб бермаслиги билан изоҳлади.

Воқеа жойида жабрланганларга ёрдам кўрсатилган ва касалхонага ётқизилган. 4 нафар ишчи-ходим енгил тан жароҳати олган.