Россия президенти Владимир Путин Австрия ташқи ишлар вазири Карин Кнайсль ва бизнесмен Вольфганг Майлингернинг тўйи учун Австрияга уюштирган сафари юзасидан журналистларга изоҳ берди, деб ёзади «MK.ru».
Россия етакчиси бу шахсий мақсаддаги сафар бўлганини яна бир бор таъкидлади. У никоҳ маросимида қатнашиш шарафига муяссар бўлгани учун «австриялик дўстлари»дан миннатдор эканлигини билдирди.
Путиннинг қайд этишича, келин-куёв — жамиятда ва давлатда жиддий ўринга эга бўлган, аммо шу билан биргаликда, очиқкўнгил ва қувноқ одамлар.
«Куёв — менга бегона одам эмас, у собиқ спортчи, дзюдочи, бу эса доим бирлаштиради», — дея қўшиб қўйди президент Майлингер ҳақида гапираётиб.
Путин Кнайсль билан ҳам, канцлер билан ҳам «ишлар» ҳақида қисқа гаплашиб олишга муваффақ бўлганини айтди.
Изоҳ (0)