Гавайида довул яқинлашаётганлиги сабабли фавқулодда вазият режими эълон қилинди

АҚШ президенти Дональд Трамп Гавайи штатида «Лейн» довули яқинлашаётганлиги сабабли фавқулодда вазият режими эълон қилди. Бу ҳақда Оқ уй хабар қилди, деб ёзади «РИА Новости».

Фавқулодда вазият режими довул оқибатларига қарши курашиш учун штатга федерал ёрдам ажратиш имконини беради. Фавқулодда вазиятлар бўйича федерал агентлик ушбу ҳаракатларни мувофиқлаштириш билан шуғулланади.

Гавайи оролларига жанубдан тўртинчи даражали кучли довул яқинлашмоқда. Шамол тезлиги соатига 210 километрни ташкил этади.