Халқ депутатлари Учтепа туман кенгаши депутати Нуриддин Зайнитдинов Facebook’даги саҳифасида Тошкент шаҳрида енгил автотранспорт воситаси ойналари тонировкаси (қорайтириш) учун бериладиган рухсатнома сурати билан бўлишди.
16 миллион сўм тўлаш эвазига бир йилга бериладиган рухсатнома сурати Telegram-каналлардан биридан олинган.
Аввалроқ туси ўзгартирилган (қорайтирилган) ойнали енгил автотранспорт воситаларидан фойдаланишни тартибга солиш чора-тадбирлари тўғрисида ҳукумат қарори қабул қилинган эди. Унга кўра, қорайтиришга рухсатнома берганлик учун тўлов жисмоний шахсларга энг кам иш ҳақининг 90 баравари (16 587 000 сўм)да бўлиши белгиланган эди.
Изоҳ (0)